11/08/2014 16:43:27

Thaçi i uron fitoren Erdogan

''Republika e Kosovës gjithmonë do ta kujtojë dhe çmojë rolin kyç që ju personalisht, qeveria dhe populli turk keni luajtur për çlirimin e Kosovës''

PRISHTINË - Kryeministri i Republikës së Kosovës, Hashim Thaçi, përgëzoi Recep Tayyip Erdoğan, me rastin e zgjedhjes në postin e Kryetarit të Republikës së Turqisë. "Pranoni urimet e mia të ngrohta për Ju si Kryetar i sapozgjedhur i Republikës së Turqisë dhe urimet e mia më të mira për suksesin Tuaj tani kur po përgatiteni për të marrë përgjegjësitë dhe për t’i dalë ballë sfidave në krye të vendit. Republika e Kosovës gjithmonë do ta kujtojë dhe çmojë rolin kyç që ju personalisht, qeveria dhe populli turk keni luajtur për çlirimin e Kosovës, shpalljen e pavarësisë, si dhe për zhvillimin demokratik dhe ekonomik të vendit. Ne do të jemi gjithmonë mirënjohës për mbështetjen Tuaj dhe për marrëdhëniet e ngushta mes vendeve tona", thekson kryeministri Thaçi.

HermesNews - ©2014

Dërgo me email | Stampo artikullin