01/08/2014 15:52:58

''Ura'', dokumentar për mitrovicën

Mbi 9 mijë euro i ka ndarë Qendra Kinematografike e Kosovës për të mbështetur realizimin e këtij projekti të kompanisë ShqipFILM LLC

PRISHTINË - Filluan xhirimet e dokumentarit artistik “Ura”, film ky i metrazhit të mesëm me regji nga Valmira Hyseni. Dokumentari flet për qytetin e ndarë të Mitrovicës, kryesisht për urën që lidh dy pjesët kryesore të qytetit, bën të ditur sot në njoftimin e sapodërguar nga Qendra Kinematografike e Kosovës.Në dokumentar tregohet se në qytetin verior të Kosovës, në Mitrovicë, ura pas luftës së vitit 1999 ndan qytetin në dy pjesë të papajtueshme. Shqiptarët nga pjesa jugore nuk mund të dalin lirshëm në pjesën veriore të serbëve dhe anasjelltas. Por të dy etnitë që ende ruajnë armiqësitë, kanë diçka të shenjtë në pjesën e kundërshtarit, pjesë të cilat nuk demonstrojnë dhunë. Mbi 9 mijë euro i ka ndarë Qendra Kinematografike e Kosovës për të mbështetur realizimin e këtij projekti të kompanisë ShqipFILM LLC me drejtor fotografie francezin Boubkar Benzabat. Dokumentari ka ambicie të shfaqet në festivale të ndryshme dhe premierën pritet ta ketë në fillim të vitit të ardhshëm.

Doriana Metollari

Dërgo me email | Stampo artikullin