13/07/2014 14:52:19

Summer Soiree

Ekspozita e trete vjetore nga rrjeti i profesionistëve dhe sipërmarrësve shqiptaro - amerikan

NEW YORK - Një grup i madh i komunitetit të artistëve shqiptarë, në Amerikë, u mblodhën të enjten në edicionin e tretë të artit në New York, në një mbrëmje verore artistike e titulluar: “APEN Art 2014: Summer Soiree”, shoqëruar me një ekspozitë. Kjo mbrëmje e bukur artistike shqiptare u organizohet çdo vit nën kujdesin e Rrjetit të Pro-fesionistëve dhe Sipërmarrësve Shqiptaro-Amerikanë – APEN, duke prezantuar talentet artistike dhe ekspozimin e një game të gjerë veprash të artistëve. Në këtë mbrëmje verore artistike, ishin të pranishëm edhe ish pjesmarrësja në festivalin ‘Eurovizion’ këngëtaria nga Kosova Rona Nishliu, fotografi shqipëtar më famë botërore, Fadil Berisha, Miss Kosova Mirjeta Shala, Miss Albania Fioralba Dizdari – si dhe dhjetëra të rinj shqiptarë, të cilët janë diplomuar në universitete të ndryshme të Shteteve të Bashkuara të Amerikës, dhe tani janë, artistë, aktorë, shkrimtar, poet, piktorë, muzikanë, pedagogë, përfaqësues të biznesit dhe profesionistë, që punojnë pranë kompanive të mëdha amerikane, të sukseshëm shqiptaro amerikan.

Beqir Sina

Dërgo me email | Stampo artikullin