11/07/2014 18:58:50

Rikonstruktohet 'Ura e Plakut Gjon'

Në fshatin Rraboshtë të komunës Kallmet gjendet një urë me moshë 900 vjeçare e cila është në gjëndje të shëmbet nga përdorimi i keq dhe mos riparimi i saj

TIRANË - Një nismë interesante ka qënë ajo e një emigranti nga Kallmeti i Lezhës që me kontributin e vet financiar, kërkon të meremetojë një nga urat më të vjetra në këtë fshat. Në fshatin Rraboshtë të komunës Kallmet gjendet një urë me moshë 900 vjeçare e cila është në gjëndje të shëmbet nga përdorimi i keq dhe mos riparimi i saj. E emërtuar si “Ura e Plakut Gjon”, ajo veç peshës së viteve, mbart mbi shpinën e saj të thyer edhe mos kujdesin nga organet kompetente për mirëmbajtjen e monumenteve të kulturës. I fundit që vuri dorë mbi të dhe e meremetoi ishte vetë Plaku Gjon. Prej asaj dite i mbeti “Ura e Plakut Gjon”. Fal shqetësimit për të, të një djaloshi nga ky vend, ajo tashmë ka nisur restaurimin nën kujdesin e përgjegjësit të monumenteve të kulturës të rrethit të Lezhës, Paulin Zefi.

HermesNews - ©2014

Dërgo me email | Stampo artikullin