08/07/2014 16:18:02

Arrestohet për trafik klandestinësh

Operacioni policor ka filluar me bastisje në shtëpinë e të dyshuarit, pronar i një agjencie turistike në rajonin e Prishtinës

PRISHTINE - Policia kufitare ka arrestuar sot një shtetas kosovar me iniciale I.V 63 vjeç nën akuzat për kontrabandë emigrantësh. Operacioni policor ka filluar me bastisje në shtëpinë e të dyshuarit, pronar i një agjencie turistike në rajonin e Prishtinës. Gjatë bastisjes janë gjetur dhe në cilësi të provave materiale janë konfiskuar: një armë automatike, tre revole të tipit Zastava, TT, 95 fishekë të kalibrave të ndryshëm, disa kopje të pasaportave të Kosovës, disa kopje të dokumenteve greke, ekstrakte të lindjes, një pasaportë e Kosovës dhe disa foto të vogla për dokumente, kurse në zyrën e agjensionit janë sekuestruar katër pasaporta të Kosovës, një shtëpizë kompjuteri, një USB, tri kopje të pasaportave dhe fotot e vogla për dokumente, si dhe një fletore me shënime të ndryshme. Materialet në prokurori.

komunikatë për shtyp

Dërgo me email | Stampo artikullin