07/07/2014 16:11:17

Zbulohet banda e trafikantëve të drogës

Një vit hetime: operacion i policisë në Prishtinë. Sekuestrohen mbi tetë kg marijuanë

PRISHTINE - Tetë persona janë arrestuar pas një operacion antidroge në aksin rrugor Shtime - Ferizaj në Prishtinë. Sipas policise, hetimet që zgjaten rreth një vit çuan në finalizimin e operacionit Luboteni. Të arrestuarit, (A. S 42 vjeç, N. B. 45 vjeç, M. Th. 1980 34 vjeç, Sh. D. 37 vjeç, S. H. 24 vjeç, F. H. 31 vjeç, M. N. 45 vjeç, Z. Gj. 30 vjeç), akuzohen për blerje, posedim, shpërndarje dhe shitje e paautorizuar e narkotikëve, substancave psikotrope dhe analoge. Gjatë kontrollit në tre autovetura, policia gjeti në njerën prej tyre, në bagazh, një valixhe me drogë marijuanë e mbështjellë me folie, gjithsej 8 kg e 508 gr marijuanë. Policia kontrolloi dhe një banesë në Ferizaj, ku gjeti 3 gr marijuanë, gjashtë fishekë në karikatorë dhe një fishek i kalibrit 9 mm. Në cilësi të provave materiale janë sekuestruar, 8 kg e 511 g marihuanë, pistoletë Crvena Zastava 7.65, tre vetura, mercedes ngjyrë hiri, mercedes hiri metalike, Reno Laguna.

HermesNews - ©2014

Dërgo me email | Stampo artikullin