05/07/2014 18:17:42

Sulmohet partia e Ali Ahmetit

Ministria e Punëve të Jashtme e Kosovës ka reaguar ndaj protestave të dhunshme që sot kanë hyrë në ditën e dytë në Maqedoni

SHKUP - Në ditën e dytë të protestave në Shkup, ka pasur pjesëmarrje më të ulët. Kësaj radhe protestuesit janë përqendruar në zonat e banuara kryesisht me shqiptarë. Ata për disa minuta kanë gjuajtur me gurë selinë selinë e BDI-së në Çair. Të rinjtë kanë bllokuar rrugët në zonën e Çairçanjës dhe më pas janë nisur drejt Komunës së Çairit, ku janë përplasur me policinë. Më pas situate është qetësuar, ndërkohë që policia ende është prezente në terren. Një ditë më herët një turmë më e madhe e protestuesve është përleshur më policinë, e cila ka përdorur pompa uji dhe gaz lotsjellës për t’i shpërndarë.
Ministria e Punëve të Jashtme e Kosovës ka reaguar ndaj protestave të dhunshme që sot kanë hyrë në ditën e dytë në Maqedoni. "Po përcjell me shqetësim zhvillimet e dy ditëve të fundit në Maqedoni përkitazi me protestat e qytetarëve shqiptarë dhe dhunën e përdorur ndaj tyre nga policia maqedonase në Shkup", thuhet në reagim. MPJ U bënë thirrje palëve që të shmangin veprimet e dhunshme dhe të tregojnë vetëpërmbajtje e maturi.

HermesNews - ©2014

Dërgo me email | Stampo artikullin