03/07/2014 16:42:24

Arteria e zhvillimit ekonomik

Më 1 korrik u bë e ditur se mes qeverisë së Republikës së Kosovës, përkatësisht Ministrisë së Infrastrukturës, dhe konsorciumit fitues Bechtel&Enka u nënshkrua kontrata për ndërtimin e autostradës së re Prishtinë-Hani i Elezit

PRISHTINË - Kryeministri i Kosovës, Hashim Thaçi, e vlerësoi sot fillimin e punimeve të Autostradës Prishtinë-Hani i Elezit (kufiri me Maqedoninë) – Rruga 6, një hap të rëndësishëm drejt modernizimit të mëtejshëm të infrastrukturës së Kosovës.

Gjatë ceremonisë së përurimit të punimeve, kryeministri Thaçi theksoi se “kjo autostradë do të shërbejë si një arterie e zhvillimit ekonomik, do t’i bashkojë më shumë shqiptarët dhe do ta integrojë vendin tonë në rrjetet kryesore mbarë-evropiane të transportit”.

Më 1 korrik u bë e ditur se mes qeverisë së Republikës së Kosovës, përkatësisht Ministrisë së Infrastrukturës, dhe konsorciumit fitues Bechtel&Enka u nënshkrua kontrata për ndërtimin e autostradës së re Prishtinë-Hani i Elezit.

Rruga 60 kilometërshe do të kushtojë 600 milionë euro dhe pritet të përfundojë për rreth 42 muaj.

HermesNews - ©2014

Dërgo me email | Stampo artikullin