01/07/2014 02:38:58

Franca theu murin Nigerian

Franca ka kaluar në çerekfinale te Kampionatit Botëror duke e eliminuar Nigerinë me rezultat 2:0

HermesNews - Franca ka kaluar në çerekfinale te Kampionatit Botëror duke e eliminuar Nigerinë me rezultat 2:0. Përfaqësuesja afrikane u dorëzua krejt në fund pasi në disa momente të lojës ishte veç më e mirë në fushë se përfaqësuesja e Francës.

“Gjelat” arritën fitore me dy gola të shënuara në dhjetë minutat e fundit të ndeshjes.
Pogba realizoi gol me kokë në minutën e 80 të ndeshjes. Griezmann shënoi golin e dytë dhe të sigurisë në minutat shtesë të ndeshjes duke realizuar pas futjes nga pankina.
Franca në ndeshjen e ardhshme do të presë fituesin nga sfida mes Gjermanisë dhe Algjerisë.

Arbër Meçenovi

Dërgo me email | Stampo artikullin