26/06/2014 19:08:12

KQZ, 24 orë për ankesat

Kyyetarja e KQZ-së, Valdete Daka, bëri të ditur se duke filluar nga ky moment fillon të rrjedhë afati 24 orësh, brenda të cilit subjektet politike dhe kandidatët mund të paraqesin ankesat e tyre në Panelin Zgjedhor

PRISHTINË - Në konferencën për shtyp, ku sapo u shpallën sot rezultatet përfundimtare të zgjedhjeve të parakohshme parlamentare të 8 qershorit në Kosovë, kryetarja e KQZ-së, Valdete Daka, bëri të ditur se duke filluar nga ky moment fillon të rrjedhë afati 24 orësh, brenda të cilit subjektet politike dhe kandidatët mund të paraqesin ankesat e tyre në Panelin Zgjedhor për Ankesa dhe Parashtresa. Në emër të KQZ-së, kryetarja falënderoi të gjithë qytetarët e Republikës së Kosovës që morën pjesë në zgjedhje dhe shprehën vullnetin e tyre. Shpallja e rezultateve përfundimtare të zgjedhjeve do të pasohet me çertifikimin e tyre e pastaj me konstituimin e Kuvendit të Kosovës 120 anëtarësh, të Legjislaturës së Pestë, i cili zgjedhë qeverinë e re.


Promo

HermesNews - ©2014

Dërgo me email | Stampo artikullin