25/06/2014 19:21:45

Statusi i kandidatit për rininë

Lajmi u dha nga Komisioni Europian, pas marrëveshjes që ka nënshkruar sot me qeverinë shqiptare

TIRANE - Organizatat kulturore shqiptare që nga dita e sotme do të jenë në gjendje të përfitojnë nga programit i kulturës Europa krijuese i Bashkimit Europian. Lajmi u dha nga Komisioni Europian, pas marrëveshjes që ka nënshkruar sot me Qeverinë shqiptare. Në njoftimin e KE-së thuhet:
"Komisionerja Europiane për Arsimin e Rininë, Andrulla Vasiliu dhe Ministrja shqiptare e Kulturës Mirela Kumbaro Furxhi nënshkruan një marrëveshje që konfirmoi pjesëmarrjen e vendit në skemën e financimit. Shqipëria ka nënshkruar një marrëveshje për të marrë pjesë në disa veprime të financuara përmes programit arsimor Erasmus plus, një program i ri për arsim, trajnim, kushtuar rinisë dhe sportit në BE, së bashku me Bosnje-Hercegovinën dhe Malin e Zi. Sa më shpejt që marrëveshjet të hyjë në fuqi, këto vende do të mund të përfitojnë nga mbështetja". Institucionet dhe organizatat në këto vende do të përfitojnë nga fondet e bashkëpunimit të jashtëm për arsimin e lartë dhe lëvizjen e të rinjve për në BE.

HermesNews - ©2014

Dërgo me email | Stampo artikullin