23/06/2014 07:48:02

Fitore e madhe e Algjerisë, i afrohet kualifikimit

Algjeria ka shënuar njërën prej fitoreve më të mëdha në histori të saj. Skuadra e Vahid Halilhodzic e mposhti Korenë e Jugut 4:2 dhe iu afrua kualifikimit në të tetën e finales së Botërorit

HermesNews - Algjeria e ka bërë lojë të madhe. Skuadra që udhëhiqet nga Vahid Halilhodzic e ka mposhtur Korenë e Jugut, duke iu afruar më shumë se kurrë të tetës së finales së Kampionatit Botëror.

Skuadra afrikane fitoi 4:2, duke u ngritur në vendin e dytë të Grupit H me tri pikë të grumbulluara.

Golat për algjerianët i realizuan Islam Slimani (26’), Rafik Halliche (28’), Abdelmoumene Djabou (38’) e Yasine Brahimi (62’). Ndërkaq, golat e pamjaftueshëm për jug-koreanët i shënuan Heung-Min Son (50’) e Ja-Cheol Koo (72’).

Në anën tjetër, humbja nga algjerianët i lë koreanët jashtë Botërorit. Vetëm një mrekulli mund t’i dërgonte ata në mesin e 16 më të mirëve.


promo

Arbër Meçenovi

Dërgo me email | Stampo artikullin