13/06/2014 17:57:35

Të bashkuar kundër dhunës

Samit për parandalimin e dhunës seksuale në konflikte

PRISHTINË - Presidentja e Republikës së Kosovës, Atifete Jahjaga, mori pjesë sot në ceremoninë e përmbylljes së punimeve të Samitit Global për parandalimin e dhunës seksuale në konflikte, i cili i zhvilloi punimet nga 10-13 Qershor në Londër. Në Samit, mori pjesë edhe Përfaqësuesja e lartë e BE-së për politikë të jashtme dhe Siguri, Catherine Ashton, përfaqësues nga Organizata e Kombeve të Bashkuara, ministra të jashtëm të vendeve të ndryshme dhe përfaqësues të lartë nga e gjithë bota, si dhe sekretari i Shtetit i Shteteve të Bashkuara të Amerikës, John Kerry. Gjatë ditës së djeshme, Presidentja Jahjaga iu drejtua Samitit me një fjalim. Samiti është më i madhi i mbajtur ndonjëherë për këtë çështje dhe u organizua nga Sekretari i jashtëm i britanisë së madhe, William Hague dhe Përfaqësuesja speciale e komisionerit të lartë të kombeve të bashkuara për refugjatët, Angelina Jolie.

HermesNews - ©2014

Dërgo me email | Stampo artikullin