12/06/2014 18:27:17

Një artiste plot sharm dhe finesë

Intervistë me Mira Janin, fituesja e edicionit të 8 të Festivalit ''Çelësi Muzikor''

TIRANE - ...Mira Jani, një emër i lakuar në muzikën shqiptare ku së fundi ka marrë trofeun e cmimit të parë në Kompeticionin prestigjoz Celësi Muzikor, edicioni i 8. Një femër plot sharm, elegancë dhe komunikim perfekt. Është gjithnjë kërkuese, ngulmuese dhe me ide të qarta për të ardhmen. Në jetë ka pasur shumë ëndrra, ku pjesën më të madhe i ka realizuar me një këmgëngulje të vecantë . Po flasim pikërisht për këngëtaren super sexy, Mira Jani e cila vjen në një intervistë ekskluzive ku tregon për aktualitetin e saj profesional dhe personal...

Përshëndetje Mira, si fillim dua tju uroj për fitoren në këtë kompeticion muzikor. Më thoni ju lutem, cilët ishin bashkëpunëtorët ?

Përshëndetje i dashur Hermes. Të falenderoj përzemerisht për këtë intervistë të këndshme. Sa i përket këngës fituese, muzika është bërë nga De Vox, teksti nga e mrekullueshmja Rozi Radi & make up nga Merita.

Për të gjithë ata që kanë dëgjuar për ju por sju njohin, një prezantim të shkurtër rreth vetes ...

Pasioni për muzikën më ka shqëruar që në fëmijëri e deri më sot. Unë kam studiuar për vitë me rradhë Muzikë, gjë që më ka formuar si Artiste. Më pas vendos të ndjek Liceun artistik për Kanto, ku më pas fitoj edhe dy cmime të para tek Zërat e Rinj. Kam përfunduar me notat maksimale Akademinë e Arteve, Dega Kanto në Tiranë. Ndërkaq, kam marrë pjesë me Akademinë e Arteve në Francë, Gjermani, Austri etj. Por gjithnjë kam dashur të perfeksionohem sa i përket muzikës, duke u specializuar në Konservatorin e Muzikës së Qyetit të Cagliarit ne Itali. Gjithashtu, për një farë kohe kam punuar edhe si Pedagoge ne Shkollën Non solo Musica, për Canto.

Gjithashtu keni lancuar edhe një klip, më trego dicka më tepër rreth ketij projekti ...

Klipi im më i ri "Te ndjej", teksti është shqip dhe anglisht, nga i mirënjohuri De Vox. Është xhiruar në ambientet e Star Elite, transmetohet tek Musical TV, në Digitalb. Është realizuar edhe me koreografi, me grupin fantastik të Tan Brama.

Le të kalojmë pak tek jeta private. Do të tregohesh e sinqertë dhe të na tregosh nësë ka ndonjë mashkull në jetën tënde ?

No comment.

Sot për një këngëtar është më mirë të realizojë një album apo Klip ?

Mendoj qe Albumi, pavarësisht që nuk ecën në ditët e sotme, duhet të realizohet njëherë në pesë vite për të përmbledhur këngët gjatë këtyre viteve. Ndërsa klipet, janë vërtet të rëndësishme, sepse lancohesh më shpesh dhe je në treg për të pasur oferta të ndryshme të koncerteve.

Momenti më i sikletshëm, në jetën tënde artistike ?

Nuk më kujtohet ndonjë e tillë, përvecse gjërave të vogla të parëndësishme.

Partneri i Mirës, si duhet të jetë Ai nga brenda dhe nga jashtë ?

Sigurisht një mashkull i kompletuar, i shkolluar dhe të më kuptojë në profesionin tim.

Vesi që keni më shumë inat tek njerëzit, cili është ?

Gënjeshtra & Mosmirënjohja.

Do të bëje ndonjë ndërhyrje estetike në të ardhmen për të përmirësuar pamjen e jashtme ?

Nuk i kam qejf ndërhyrjet, por nëse do të jetë dicka e nevojshme pse jo. Jam Pro kirurgjisë plastike, në rastet e problemeve ekstreme.

Si e mban veten në formë ?

Dietë nuk është se mbaj, por sigurisht një regjim të balancuar ushqimor.

Një përkufizim për Dashurinë ?

Dashuria ?! Një ndjenjë e fuqishme dhe e jashtëzakonshme. Është një emër që, të bën ta duash më shumë se vetveten. Dhe lumturia vjen bashkë me dashurinë. Sepse ajo është si një thesar i humbur që, kërkohet nga njerëzimi dhe shpesh herë të kujton arsyen pse jetojmë.

Cilat janë problemet më pikante të femrës shqiptare sot ?

Në fakt, ekzistojnë dy kategori : femrat që janë shumë të suksesshme në politikë, karrierë dhe ato që jetojnë në kurriz të burrave e që mjaftohen duke i shërbyer shtëpisë në një mënyrë të rëndomtë dhe që pothuajse gjithë ditën e kalojnë duke shëtitur nëpër kafenetë e Tiranës apo duke parë telenovela. Ky me duket një problem goxha i madh.

Motua nga e cila ushëhiqeni në jetë ?

Të kem një jetë të mbushur me emocione të mrekullueshme. Më pas të punoj sa më shumë, e të fitoj miq të mirë.

Veshja e preferuar ?

Jam e fiksuar pas fustaneve Karen Millen, më pëlqen klasikja e ndërthurur me ekstravagancën ?

C'është Familja për Ju ?

Me dy fjalë : pika e referimit dhe e mbështetjes ! Familja është gjëja e pa zëvendësuar dhe më e rëndësishme në jetën e njeriut, është ajo cka ne e konsiderojmë qeliza bazë. Një shoqëri me familje të konsoliduar është me baza të forta dhe e kundërta ...

Nga Hermes Nikaj

Dërgo me email | Stampo artikullin