12/06/2014 15:11:55

Artistët çelin ekspozitë pikture

Ekspozitë me 33 vepra të ndryshme, me identitet dhe vlera të veçanta

FIER - 18 artistë nga Shqipëria, rajoni dhe bota çelën mbrëmjen e të mërkurës në qytetin e Fierit edicionin e pestë të ekspozitës në pikturë ”Koloni Art Apolonia”. Sipas artistëve pjesëmarrës, ky event i rëndësishëm nuk është thjesht një demonstrim i vlerave të artit pamor, ku artistët shkëmbejnë eksperiencat artistike mes njëri-tjetrit, por edhe një tribunë diskutimi, ku ata shprehin mendimet dhe promovojnë vlerat e trashëgimisë kulturore. Në edicionin e këtij viti binte në sy zgjerimi i hartës gjeografike të artistëve, me pjesëmarrës nga Kosova, Maqedonia, Rumania, Gjermania, Rusia, Ukraina, Korea e Jugut etj. Në këtë ekspozitë u paraqitën 33 vepra të ndryshme, me identitet dhe vlera të veçanta. Artistët në të gjitha punimet i kishin kushtuar shumë vëmëndje mënyrës së realizimit në këndvështrimin shumëpalësh të punimeve.

HermesNews - ©2014

Dërgo me email | Stampo artikullin