09/06/2014 20:33:50

Mbërrin Rally Albania... !

Nga datat 7-14 qershor në Shqipëri organizohet edicioni i 10-të i Rally Albania

TIRANË - Jemi në Peshkopi, ora thuajse mezi po shkon 6.00 p.m dhe dita duket e gjatë. U nisëm nga Tirana aty rreth orës 01.00 a.m dhe të udhëtoje në rrugët e përkedhelura nga gjithfarë gropash, krijoi një farë tensioni, i cili erdhi e u bë shumë i embël kur dita e dielli çelën.

Bari i ngopur me vesë nisi të merrte një shkëlqim të zbehtë e të jashtëzakonshëm e bota sigurisht na e duk më e bukur.

Arritëm… !

Puna e parë monitimi i aparaturave, PC, printer, skaner, fisha, hartat , road book-ët. Një ekspres i fortë shumë na sjell në vete. Për pak minuta seicili zë vendin e tij. Gjergji dhe Vini ulen bashkë e fillojnë debatin e parë . Interneti ecën kaq ngadalë…

Pastaj Prespa (Ervini) thotë që çdo gjë do rregullohet, vetëm “pak durim o njerëz”, Ketu vjen Nila, full of energy, që na tregon me lezet e batutë gjithë thashethemet politike të qytetit verior.

Pastaj tre djemtë (organizatorët) hyjnë në “Live Timing” e humbin aty me orë të tëra. Kanë një lloj personaliteti të përkorë pas së cilit fshihet një individualitet shumë interesant .

Në lokalin – zyrë të Hotelit ku do rrimë, e lusim si Krishti kamarierin të hapë 2 orë para kohe kuzhinën. Po vdesim për dy vezë sy, pak djath të bardhë, bukë të thekur domate e dy ullinjë jeshilë. Nuk po këkojmë të pamundurën …!

Por kuzhina hapet pas dy orësh, S’mund të bëjme asgjë. Rikthehemi në punë.

Tani kanë kaluar 11 orë. Pilotët garojnë “off road” ndërsa ne ndjekim minutë pas minute një këmbë të vrarë, një krah të ndrydhur, makinën kokëfortë që nuk do të ndezet më, por dhe ca pompa vaji që sot e gjetën të rrjedhin.

Por ndërkohë në zyrën tonë të improvizuar ka realitete paralele që nuk duan të dinë për ankthin tonë.

Disa luajnë letra, një polic kthen me nxitim një kafe turke e pasi na përshëndet me përzermërsi del turravrap të marrë turnin poshtë në kryqëzim. Dy gra tentojnë të zbusin vjehrrat duke i sharë ulët, me shumë lezet. Bori ka përditësuar ndërkohë cdo çerek ore Twitterin edhe web-page e RallyAlbania, duke pyetur me durim për çdo detaj.

Kamarierët shumë të ëmbël sjellin enkas për Brazin, qershitë e zonës, më të mirat në vend. Gara vazhdon e duket se të gjthë janë në udhëtimin e jetës së tyre.

Për ata që nuk e dinë…!

Nga datat 7-14 qershor në Shqipëri organizohet edicioni i 10-të i Rally Albania, gara off road motocross. Garojnë 170 pilotë që kanë zbarkuar në Tiranë nga 23 vende. Shtete si Norvegjia, Finlanda, Rusia, Turqia, përfaqësohen për herë të parë krah vendeve të përhershme si Italia, Greqia, Bullgaria, Belgjika, Sllovenia, Suedia, Sllovakia, Polonia, Hollanda, Britania etj.

Road book i Rally Albania nga analistët dhe gazetarët e garave off road, është cilësuar përherë si shumë profesional, ndërkohë që në këtë 10 vjetor, po zhvillohet gara me itinerarin e vet më të gjatë: 2100 kilometra.

Nga Tirana pilotët u nisën drejt Peshkopisë, për të shkuar në Vlorë e për të përfunduar të shtunën në Tiranë, ku do të ndahen edhe cmi met për seicilën kategori, në motorra, makina e quad.

HermesNews - ©2014

Dërgo me email | Stampo artikullin