30/05/2014 13:59:14

Thaçi siguron rritje ekonomike

Kryeministri Thaçi tha se përmes këtij takimi, dëshmojnë zotimin e qeverive që të bashkërendojnë për të zvogëluar informalitetit dhe për rritjen më të madhe ekonomike

PRISHTINE - Mbahet në Prishtinë konferenca rajonale "Intensifikimi i bashkëpunimit, tejkalimi i sfidave ekonomike, rritja e bashkëpunimit ekonomik rajonal dhe bashkimi i përpjekjeve kundër ekonomisë joformale", në të cilën po marrin pjesë zyrtarë të qeverisë së Kosovës, dhe tri vendeve të rajonit, Shqipërisë, Maqedonisë dhe Malit të zi. Kryeministri Thaçi tha se përmes këtij takimi, dëshmojnë zotimin e qeverive që të bashkërendojnë për të zvogëluar informalitetit dhe për rritjen më të madhe ekonomike.

Kosova dhe vendet e rajonit përballen me shkallë të lartë të ekonomisë joformale, prandaj nevojitet angazhim i përbashkët, në mënyrë që kjo dukuri të zvogëlohet brenda një periudhe afatmesme dhe të arrihet rritje më e madhe ekonomike. Kështu tha kryeministri Hashim Thaci në hapje të konferencës.

“Vendet e rajonit janë të zotuara për të punuar së bashku dhe për t’i adresuar sfidat që kemi përpara dhe për të promovuar rritjen dhe zhvillimin ekonomik dhe përmirësimin e cilësisë së jetës për qytetarët tanë në Kosovë dhe rajon”, tha ai.

Ekonomia joformale sjellë dëme të shumta për të gjithë shoqërinë, prandaj sipas Thacit, me veprime konkrete dhe angazhim të të gjitha institucioneve dhe qeverive të vendeve të rajonit, do të zvogëlohet në masë të konsiderueshme prania e saj.

RTK

Dërgo me email | Stampo artikullin