28/05/2014 16:45:25

Erdhën karnevalet e korçës !!!

Bashkia çel sezonin turistik

KORÇE - Në datën 7 qershor Korça çel sezonin turistik me Festivalin Ndërkombëtar të Karnavaleve. Kjo festë e bukur, bazuar në një nga traditat më të spikatura të qytetit të kulturës, fton në Korçë vizitorë nga e gjithë Shqipëria si edhe shumë turistë të huaj të cilët së bashku me qytetarët korçarë shijojnë paradën e grupeve të karnavaleve dhe bëhen pjesë e festimeve. Me sloganin “Korça qyteti i festave”, Bashkia e Korçës (foto) prej vitesh tashmë ofron një paketë të plotë eventesh festive të cilat sjellin në qytet një numur të madh vizitorësh. Sezoni turistik i qytetit malor, kulmon çdo vit në gusht me Festën e Birrës, këtë vit nga data 13-17 gusht. Korça është një ndër qytetet e para që rizgjoi traditën e karnavaleve duke krijuar në vitin 1992 Shoqatën e Karnavalit si pjesë e Shoqatës Kombëtare të Karnavalit Shqiptar.

HermesNews - ©2014

Dërgo me email | Stampo artikullin