26/05/2014 08:24:49

Senegali fiton ndaj kosovës

Për Kosovën kjo ishte miqësorja e tretë pas dy ndeshjeve

PRISHTINË - Kombëtarja e Kosovës në futboll mbetet sërish pa fitore edhe në miqësoren e tretë ndërkombëtare, edhe pse shënoi e para kundër Senegalit. Kosova dhe Senegali luajtën sot pasdite në Gjenevë, para një pubiku me shumë shqiptarë që jetojnë e punojnë atje, në një atmosferë sportive. Në pjesën e parë, Kosova shënoi gol në portën e Senegalit në minutën e 25-të, por rezultati u barazua në minutën e 41-të. Pjesa e dytë solli edhe dy gola për Senegalin (49′ dhe 51′). Për Kosovën kjo ishte miqësorja e tretë pas dy ndeshjeve, barazimit me Haitin 0:0 më 5 mars dhe humbjes me Turqinë 1-6 më 21 maj. FIFA e ka lejuar Kosovën të luajë ndeshje miqësore ndërkombëtare me ekipe kombëtare dhe klube që nga janari i këtij viti.

HermesNews - ©2014

Dërgo me email | Stampo artikullin