25/05/2014 15:02:29

Raundi i dyte i zgjedhjeve lokale

Një rezultat i exit pollit pritet të dalë me mbylljen e qendrave të votimit, sipas Insitutit të Sondazheve

ATHINË - Votimi për raundin e dytë të zgjedhjeve lokale nisi sot në Greqi, së bashku me procesin e votimit për 21 deputetë në vend, ky proces i brendshëm është parë si një provë për gjysmë mandatin e qeverisë së koalicionit të së djathtës-socialiste. Votimi filloi në orën 04:00 GMT dhe duhet të përfundojë në orën 16:00 GMT, që përkon me përfundimin e zgjedhjeve europiane. Një rezultat i exit pollit pritet të dalë me mbylljen e qendrave të votimit, sipas Insitutit të Sondazheve. Rreth gjysma e 325 kryetarëve të komunave dhe 13 presidentëve rajonalë janë zgjedhur tashmë me shumicë absolute në raundin e parë të së dielës së kaluar. Votimi u zhvillua në një klimë të polarizimit të fortë pas përparimit të së majtës radikale “Syriza” në raundin e parë të zgjedhjeve lokale, përballë Demokracisë së Re (e djathta) e kryeministrit Antonis Samaras. Lideri i “Syrizas”, Alexis Tsipras është gjithashtu një kandidat i së majtës evropiane për presidencën e Komisionit.

HermesNews - ©2014

Dërgo me email | Stampo artikullin