25/05/2014 01:54:35

Reali fiton të dhjetën. Atletico mundet 4-1

Skuadra e Ancelotit fiton duke përmbysur në kohë shtesë për 4-1. Në të 93' Sergio Ramos gjen golin e barazimit, kur tashmë dukej i humbur rasti i rradhes për të fituar të dhejten, që tashmë nuk është më një fiksim

HermesNews - E dhjeta nuk është më fiksim për Real. Po shuhej, dhe në fakt ka ardhur në kohë shtesë, pas golit të Sergio Ramos në të 93', nëntëdhjetë sekonda nga fundi i gjithçkaje.

Njeriu më i paguar në historinë e futbollit, zotëria 100 milionësh, Gareth Bale, ka vendosur firmën e tij të shtrenjtë në finalen e Champions në të 110', pasi ka humbur tre raste në kohën e rregullt.

Goli i 2-1 firmosur nga uellsiani "vret" një Atletico tashmë të lodhur. Në dhjetë minutat e fundit arrijnë dy gola të tjerë të Real. I pari Marcello në të 118' e pastaj , Ronaldo me penallti në të 120' fiksojn rrezultatin 4-1.

Pavarsisht "grushtit" të fortë, Atletico del me kokën lart, e Simeone duartroket të tijtë edhe pas 4-1. Një gjest i madh i një luftetari që ka luftuar deri në fund dhe që në finale ka entuziasmuar tifozët, por që më pas ka pranuar verdiktin me Ancelottin që shkruan historinë me Real.

Një derbi në finale të Champions (e vjetra Kupa e Kampionve) nuk ishte parë asnjëherë.

Arbër Meçenovi

Dërgo me email | Stampo artikullin