23/05/2014 14:39:16

Shpërthim në Mitrovicë

Raportohet se shpërthimi ka ndodhur në afërsi të një argjendarie dhe si pasojë janë dëmtuar tre lokale, dritaret e ndërtesave përreth dhe rreth 10 vetura

PRISHTINË - Një shpërthim i fuqishëm ka ndodhur orët e para të ditës së sotme në Mitrovicën Veriore. Në raportin policor 24 orësh bëhet e ditur se shpërthimi, pa pasoja në njerëz, por vetëm dëme materiale, ka ndodhur në rrugën “Lola Ribar” në orën 02:10. Raportohet se shpërthimi ka ndodhur në afërsi të një argjendarie dhe si pasojë janë dëmtuar tre lokale, dritaret e ndërtesave përreth dhe rreth 10 vetura. Njësiti policor në vendin e ngjarjes ka gjetur një siguresë të granatës së dorës. Nuk raportohet për të lënduar e as të arrestuar, përderisa rasti është duke u hetuar, bëhet e ditur në njoftimin zyrtar të Policisë së Kosovës në rajonin e Mitrovicës veriore. Nga vendngjarja, media ka raportuar se shpërthimi ka ndodhur para argjendarisë, e cila ishte plaçkitur ditë më parë.

HermesNews - ©2014

Dërgo me email | Stampo artikullin