23/05/2014 14:28:37

Thaçi merr dekoratën e Kalorësisë së Francis

Kardinal Martino nderon kryeministrin kosovar

PRISHTINË - Kryeministri i Kosovës, Hashim Thaçi, bën të ditur sot se është nderuar me Dekoratën më të lartë të Kalorësisë së Francisit, nga Kardinali Martino nga Selia e Shenjtë. "Sot mora një nderim të madh nga Eminenca e Tij, Kardinali Martino nga Selia e Shenjtë. Kardinali Martino është ndër diplomatët më të shquar të Vatikanit, duke shërbyer 15 vite si Ambasador në OKB", shkruan Thaçi në Facebook. Kreu i qeverisë kosovare shprehet se "dekoratën më të lartë të Kalorësisë së Francisit e mora në emër të Urdhërit Konstantinian të Shën Gjergjit të themeluar nga vetë Papa Klementi Albani – papa shqiptar – për kontributin në bërjen e paqes në Ballkan dhe promovimin e dialogut. Falënderova Selinë e Shenjtë për kontributin historik që ka dhënë dhe kërkova të thellojmë edhe më tej marrëdhëniet me Vatikanin".

HermesNews - ©2014

Dërgo me email | Stampo artikullin