22/05/2014 16:09:45

Bashkëpunime në mjekësi me tiranën

Në sallën e Drejtorisë së QKUK, në Klinikën e Kirurgjisë, nesër do të mbahet një konferencë për media

PRISHTINË - Një grup i kardiokirurgëve nga Shqipëria po qëndrojnë në Klinikën e Kardiokirurgjisë të Qendrës Klinike Universitare të Kosovës për të bashkëpunuar me stafin vendor në kryerjen e disa intervenime nga kjo fushë, në kuadër të zotimit për ndihmë nga ana e Ministrisë së Shëndetësisë të Shqipërisë për shëndetësinë kosovare, sipas Marrëveshjes së bashkëpunimit të nënshkruar ditë më parë në Prishtinë midis ministrave Ferid Agani e Ilir Beqaj. Me këtë rast, në sallën e Drejtorisë së QKUK, në Klinikën e Kirurgjisë, nesër do të mbahet një konferencë për media. Po gjatë ditës së nesërme, Shoqata Farmaceutike e Kosovës së bashku me Agjencine e Kosovës për Produkte Medicinale dhe me përkrahjen e Ministrisë së Shëndetësisë, organizon Kongresin e 2-të të Farmacistëve me pjesëmarrje ndërkombëtare. Në program, në Sesionin I, është edhe tema “Skema e Sigurimeve Shëndetësore dhe Rimbursimi i barnave në Shqipëri”. Astrit Beci, Albana Adhami dhe Laureta Mano -Instituti i Sigurimeve Shëndetësore Kombëtare të Shqipërisë, paralajmërohet të jenë pjesë e Kongresit.

HermesNews - ©2014

Dërgo me email | Stampo artikullin