18/05/2014 11:04:41

Simeone: 'Kemi luftuar kundër gjithçka dhe të gjithëve'

Tani në valle finalja e Champions kundër Real

HermesNews - "Puna ishte çelësi i kësaj fitoreje. Kemi luftuar kundër gjithçka dhe kundër gjithëve". Atletico Madrit është kampjone e Spanjes dhe Diego Simeone shijon suksesin. Atletico Madrit është mbreti i Liga pas barazimit për 1-1 në fushen e Barcelones në javen e fundit të torneut. Në fushen e Camp Nou ka mbërritur titulli i 10-të në historin e klubit, i pari pas 18 vitesh pritje. Në 1996 Simeone ishte një lider në fushë me bluzen bardhekuqe. Sot, në pankinë, është truri dhe zemra e një skuadre që, pas kampjonatit, pas një jave mundë të fitoj dhe Champions League në finalen ndaj Real Madrit.

"Sot është një ndër ditët më të rëndësishme në historin e Atletico. Kemi fituar titullin në fushen e Barcelones, kemi luftuar kundër gjthçka e gjithëve. E dija se lojtaret e mi nuk do dorëzoheshin, isha i qetë edhe kur pësuam golin. Po provojmë një gezim që nuk mundë ta shprehim", thotë tekniku argjentinas.

"E dinim se objektivi ishte i arritshëm, në pushim ishim të qetë sepse e dinim se mundë të shënonim. I thashë skuadres që po luante mirë, që dëmtimet bëjnë pjesë në futboll dhe duhet të harrojmë mungesat e Diego Costa e Arda Turan. I thashë se do shfrytëzonim topat inaktiv dhe kjo do mundë të ndryshonte ndeshjen. Kishim shancin të bënim historin dhe skuadra u përgjigj në mënyrë të jashtëzakonshme" - shton Simeone.

Goli vendimtar është firmosur nga Diego Godin, që shënon në të 48' me një goditje me kokë përfekte. "Kemi luftuar gjithë vitin, kemi bërë një punë të jashtëzakonshme. Ishte e vështir të rivalizoje për 38 jave, me skuadra si Real Madrit e Barcelona. Kemi humbur Diego Costa e Arda Duran në fillim të lojes, jemi gjendur në vështersi. Kemi dëgjuar pasionin, kishim çdo gjë kundër. Por treguam akoma dhe njëher, se ky triumfë është mëse i merituar".

Arbër Meçenovi

Dërgo me email | Stampo artikullin