14/05/2014 12:13:05

Papavrami jep koncert në TKOB

Sonata I në Sol Minor, Adagio ka qënë pjesa që ka hapur koncertin e që ka marrë duartrokitjet e para nga të pranishmit

TIRANE - Violinisti Tedi Papavrami, në datëlindjen e tij të 43-të paralelisht me inaugurimin e librit, ka mbajtur mbrëmë në sallën e Teatrit Kombëtar të Operas dhe Baletit, edhe koncertin e tij të parë recital. Sonata I në Sol Minor, Adagio ka qënë pjesa që ka hapur koncertin e që ka marrë duartrokitjet e para nga të pranishmit. E duke vazhduar me Fuga (allegro), Siciliano Presto, Partita I në Si Minor Allemandi, Double, Corrente, Double, Sarabanda, Double, Tempo di Bourrée, Double, e deri tek Sonata e II në La minor e pjesët Grave, Fuga, Andante dhe Allegro. Interpretimi virtuoz i sonatave dhe partiturave të Johan Sebastian Bah, ka emocionuar të pranishmit, të cilët nuk i kanë kursyer duartrokitjet për violinistin, i cili është ndër të paktit që mori kurajon të realizojë një interpretim pa efekte. Cikli i plotë i sonatave dhe partitave të Bahut për violinë kudo në botë luhet rrallë në koncert. Ndërkohë që edhe sot në mbrëmje në TKOB në orën 20:00, Papavrami do të vijojë të intepretojë pjesën tjetër të programit.

HermesNews - ©2014

Dërgo me email | Stampo artikullin