10/05/2014 19:50:15

Promovohet sporti i shahut

Nxënësit e shkollave të perzgjedhur midis më të talentuarve në këtë sport do të sfidohen ndërmjet tyre

KORCE - Me iniciativen e Klubit Shumësportësh pranë Bashkisë Korçë, me mbështetjen e Drejtorisë Arsimore Rajonale dhe Federatës Shqiptare të Shahut, organizohet Konkursi i Shahut në qytetin e Korçës. Nxënësit e shkollave të perzgjedhur midis më të talentuarve në këtë sport do të sfidohen ndërmjet tyre. Ky konkurs do të finalizohet në datën 31 maj 2014, me një aktivitet sportiv në pedonalen e qytetit, gjatë të cilit do të ketë lojra të ndryshme sportive, sidomos aktivitete shahu. Sipas Radio City FM, me këtë rast ftohen të gjithë qytetarët e apasionur rreth këtij sporti të bëhen pjesë e këtij aktiviteti dhe të shpalosin talentin e tyre. Të pranishëm në këtë aktivitet do të jenë shumë personalitete të rëndësishëm të shahut në Shqipëri.

HermesNews - ©2014

Dërgo me email | Stampo artikullin