10/05/2014 19:17:12

Krasniqi, takime ne Rumani

Kryeparlamentari Krasniqi, ka zhvilluar takime të rastit me kryetarë të parlamentit të Kroacisë, Greqisë, Malit të zi dhe Shqipërisë, bën të ditur zyra e shtypit e Kuvendit të Kosovës

PRISHTINË - Në kuadër të vizitës zyrtare në Rumani, kryetari i Kuvendit të Republikës së Kosovës, Jakup Krasniqi dhe delegacioni të cilin ai e udhëheq, ka marrë pjesë në pritjen e organizuar mbrëmë nga kryetari i Dhomës së përfaqësuesve të Parlamentit të Rumanisë, Valeriu Stefan Zgonea.

Gjate kësaj pritjeje, kryeparlamentari Krasniqi, ka zhvilluar takime të rastit me kryetarë të parlamentit të Kroacisë, Greqisë, Malit të zi dhe Shqipërisë, bën të ditur zyra e shtypit e Kuvendit të Kosovës.

Kryetari Krasniqi, po qëndron në Rumani me ftesë të kryetarit të Dhomës së Përfaqësuesve të Parlamentit të Rumanisë dhe do të marrë pjesë në seancën inauguruese të Asamblesë Parlamentare të shteteve të Evropës Juglindore.

Pjesëmarrës të kësaj Asambleje janë edhe kryetarët e parlamentit të Rumanisë, Shqipërisë, Greqisë, Malit të zi, Kroacisë, Turqisë dhe Bullgarisë.

HermesNews - ©2014

Dërgo me email | Stampo artikullin