09/05/2014 16:07:40

Mos u vono !

Projekti mbledh rreth vetes një ekip multietnik të studentëve nga mbarë Kosova, të cilët në këtë rajon do të zhvillojnë një studim rreth rreziqeve dhe trajtimit të kancerit të gjirit

PRIZREN - Ambasada e Francës dhe e Gjermanisë në Kosovë, së bashku me ish-deputeten e parlamentit Duda Balje, nga 9 deri në 11 maj organizojnë projektin “Mos u vono !” në Prizren dhe Dragash. Ky projekt financohet me mjete nga Fondi kulturor franko-gjerman, bëhet e ditur në komunikatën për shtyp dërguar sot nga Ambasada e Gjermanisë në Prishtinë. Projekti mbledh rreth vetes një ekip multietnik të studentëve nga mbarë Kosova, të cilët në këtë rajon do të zhvillojnë një studim rreth rreziqeve dhe trajtimit të kancerit të gjirit. Në kuadër të projektit pasditen e 9 dhe 10 majit do të ofrohen kontrolla mjekësore preventive falas nga shërbimet mjekësore të Prizrenit. Rezulatet do të paraqiten në 11 maj në sallën e Kuvendit Komunal në Prizren në praninë e ambasadores së Francës, Maryse Daviet dhe ambasadorit të Gjermanisë, Peter Blomeyer.

HermesNews - ©2014

Dërgo me email | Stampo artikullin