05/05/2014 15:24:43

Starton java e dytë e shëndetësisë

Në takim u bisedua për Marrëveshjen e bashkëpunimit që kanë ministritë e shëndetësisë së dy vendeve

PRISHTINE - Ministri i Shëndetësisë i Republikës së Kosovës, Ferid Agani, priti sot ambasadoren e Republikës së Turqisë në Prishtinë, Songül Ozan dhe drejtorin e Marrëdhënieve me Jashtë të Ministrisë së Shëndetësisë të Republikës së Turqisë, Öner Güner. Në takim u bisedua për Marrëveshjen e bashkëpunimit që kanë ministritë e shëndetësisë së dy vendeve, si rezultat i së cilës është edhe “Java e dytë e shëndetësisë Kosovë –Turqi”, e cila është duke u zhvilluar.
Ozan dhe Guner theksuan se bashkëpunimi mes dy shteteve do të forcohet, si në trajtimin e pacientëve, ashtu edhe në trajnimin e mjekëve, në mënyrë që Kosova të ketë kuadro të nivelit të lartë profesional shëndetësor.

HermesNews - ©2014

Dërgo me email | Stampo artikullin