03/05/2014 18:08:21

Problemi i pronave në Mitrovicë

Në tërë veriun e vendit janë të uzurpuara 280 prona që duhen liruar e që kryesisht janë të shqiptarëve

PRISHTINE - Kryetari i Komunës së Mitrovicës Jugore, Agim Bahtiri, ka takuar kryeshefen ekzekutive të zyrës rajonal të Agjencisë Kosovare të Pronave në Mitrovicë, Milena Gjuriç, me të cilën ka biseduar për punën dhe sfidat më të cilat po përballet kjo zyrë në lirimin e pronave të uzurpuara, si në veri ashtu dhe në jug të qytetit. Gjuriç tha se kjo zyrë po bën përpjekje që në kuadër të kompetencave që ka, të liroje pronat e uzurpuara të qytetarëve, kudo qofshin ato, në pjesën jugore apo veriore të qytetit të Mitrovicës, por edhe në pesë komunat tjera të këtij rajoni: Vushtrri, Skenderaj, Zubin Potok, Zveçani dhe Leposaviç. Kryetari i komunës, Bahtiri, tha se problemet e natyrës me të cilat merret po reflektohen shumë në jetën e përditshme të qytetarëve në pjesën jugore, të cilët për zgjidhjen e tyre vazhdimisht i drejtohen komunës.

HermesNews - ©2014

Dërgo me email | Stampo artikullin