03/05/2014 18:02:00

Arsye kundër zgjedhjeve më 8 Qershor

AKR është kundër mbajtjes së zgjedhjeve në qershor

PRISHTINE - Aleanca Kosova e Re (AKR) u shpreh kundër mbajtjes së zgjedhjeve në muajin Qershor. Sekretari i përgjithshëm i saj Ibrahim Makolli tha se për këtë ka disa arsye: "Arsyeja e parë është se këto zgjedhje mbahen me ligjin e vjetër zgjedhor, i cili është kritikuar nga të gjitha subjektet politike dhe është vlerësuar si shkaktari kryesor për vjedhjen industriale të votave. Arsyeja e dytë, është krejtësisht e pamundur edhe teknikisht të përgatiten zgjedhjet më 8 qershor. Dhe, arsyeja e tretë, duhet të miratohet ligji për zgjedhje, i cili është në procedurën e fundit parlamentare dhe t’i jepet kohë KQZ-së t’i përgatisë infrastrukturën dhe mekanizmin zgjedhor në pajtim me ligjin e ri zgjedhor". Sipas AKR-së data 8 Qershor për zhvillimin e zgjedhjeve mund të dëmtojë të ardhmen e Kosovës. "Jemi para proçeseve të rëndësishme për vendin dhe këto zgjedhje do ta përcaktojnë të ardhmen tonë në raport të brendshëm dhe të jashtëm", ka thënë ai.

HermesNews - ©2014

Dërgo me email | Stampo artikullin