03/05/2014 17:46:48

Heqje TVSH-je për lëndën e parë

Qeveria do të shikojë mundësinë që të heqë edhe TVSH-në për lëndën e parë dhe përpunimin e drurit dhe për prodhimin e mobileve

PRISHTINE - Kryeministri Hashim Thaçi, gjatë një turi vizitash që ka bërë në disa biznese për prodhimin e mobileve në Vushtrri tha se "qeveria do të shikojë mundësinë që të heqë edhe TVSH-në për lëndën e parë dhe përpunimin e drurit dhe për prodhimin e mobileve". Thaçi ka thënë se është i kënaqur me bisedat që ka zhvilluar me përfaqësuesit e këtyre kompanive, me numrin e madh të punëtorëve, e që paguhen mirë, por edhe me cilësinë, që e kanë në përpunimin e drurit dhe prodhimin e mobiljeve. Fondi i Punësimit dhe Zhvillimit, që pritet të krijohet nga Qeveria e kosovës, me një fond prej €1,5 miliardë, do t'u dalë në ndihmë që të hapen dhe bizneset e reja dhe vende të reja të punës, tha Kryeministri, cituar nga RTK.

HermesNews - ©2014

Dërgo me email | Stampo artikullin