02/05/2014 19:17:02

Vallet ballkanike në Bruksel

Sivjet festivali është përqëndruar në muzikën rome, dhe pjesën europiane që e kultivon këtë muzikë

TIRANË - Çelet edicioni i tetë i festivalit "Ballkan Trafik" në Bruksel, nga shoqata kulturore Vatra. 1 Maji, dita ndërkombëtare e Punës u kthye në një festë të madhe popullore në Grand Place, sheshi më i bukur karakteristik në Bruksel. Me dhjetëra mijëra njerëz të moshave dhe kombësive të ndryshme të ardhur dhe nga shumë vende të botës, ndërmjet tyre shumë bashkatdhetarë ishin mbledhur në këtë shesh mes një atmosfere festive. Gjithçka nisi me Ansamblin Kombëtar të Këngëve dhe Valleve nga Shqipëria, një nga më të vjetrit në Ballkan, duke vazhduar me valltarët bullgarë nga Shiroka Luka dhe Ansamblin nga Serbia KOLO. Në festival sivjet vjen edhe grupi Antwerp Gipsy-Ska Orkestra, Balkan Trafik Orkestra, Caci Vorba nga Polonia, Kolektif Istanbul dhe Gjyshet nga Bistrica, këto të fundit muzikante nga Bulgaria. Sivjet festivali është përqëndruar në muzikën rome, dhe pjesën evropiane që e kultivon këtë muzikë. Fokusi i sivjetmë i festivalit është Greqia, me pjesëmarrjen e jashtëzakonshme të këngëtarit legjendë, Dalara, por edhe shtetet tjera tanimë kanë përfaqësuesit e tyre në katër ditë larushi muzikantësh në BOZAR.

HermesNews - ©2014

Dërgo me email | Stampo artikullin