02/05/2014 13:21:07

Llapi film festival, edicioni i 3të

Në katër netë do të shfaqen 22 filma të shkurtër artistike si dhe 4 dokumentarë

TIRANE - Për të tretën herë radhazi, organizata joqeveritare "Alternativa Vizionare", organizon festivalin ndërkombëtar të filmit me metrazh të shkurtër "Llapi Film Fest", nga datat 5, 6, 7, 8 Maj në Pudujevë të Kosovës.

Në katër netë do të shfaqen 22 filma të shkurtër artistike si dhe 4 dokumentarë. Në festival ndahen 12 çmime dhe më i larti mban emrin e Heroit Kombëtar, Zahair Pajaziti. Festivali ka mbështetjen e Ministrisë së Kulturës, Rinisë dhe Sporteve, Ministrisë për Forcën e Sigurisë së Kosovës, Forca e Sigurisë së Kosovës etj. Juria e e këtij festivali është ndërkombëtare në përbërjen e saj.

Filmat e zgjedhur dhe konkurues do të jenë: ‘Agonia” me regji të Esat Fejza nga Kosova, “Kravata” me regji të Ekrem Xani nga Kosova, “I Jashtligjshmi” me regji të Aldi Karaj nga Shqipëria, “Hyrja e tretë” me regji të Blerta Basholli nga Kosova, “The table” me regji të Boyana Topchiyska dhe Radostina Vasilena nga Bullgaria, “Përtej” me regji të Franc Priska nga Shqipëria, “La piñata” me regji të Luca Granato dhe Antonello Novellino nga Italia, “Chewing Gomme” me regji të Benoit Desjardins nga Kanadaja,
“Një jetë” me regji të Suzana Shala nga Kosova, “The heat” me regji të Bartsz Kruhlik nga Polonia, “Cmimi I të qënit grua” dokumentar me regji të Ilir Kabashi nga Kosova, “Pesë shekuj luftë për pavarësi” dokumentar me regji të Milaim Zeka nga Kosova, “Avenir” me regji të Gentian Kurti nga Shipëria, “Burri” me regji të Ben Apolloni nga Kosova, ‘Fallen” me regji të Christoph Schuler nga Gjermania, “Darka” me regi të Suela Bako nga Shqipëria, “Hayola” me regji të Mehmood Ahmad Halepota nga India, “Rrëfimi I fundit” me regji të Ibrahim Deari nga Maqedonia, “Dummies” me regji të Daniel P.Alev nga Spajna, Ndërkohë, data 08/05/2014 është konceptuar si nata përmbyllëse e Festivalit, e cila do t’i dedikohet tërësisht ndarjes së çmimeve.

HermesNews - ©2014

Dërgo me email | Stampo artikullin