02/05/2014 12:16:54

MSA, stabilitet për investitorët

Citaku, marrëveshja paraqet kornizë ligjore që ofron stabilitet dhe siguri për investitorët dhe si e tillë krijon bazë të shëndoshë për investime të huaja direkte dhe gjenerimin e vendeve të punës

PRISHTINE - Në Prishtinë zhvillohet sot takimi i tretë dhe i fundit i kryenegociatorëve në kuadër të negocimit të Marrëveshjes së stabilizim asociimit - MSA, ndërmjet Kosovës dhe Bashkimit Europian, ku merr pjesë edhe kryeministri Hashim Thaçi. Ministrja e Integrimit Europian, Vlora Çitaku, e vlerësoi hap të rëndësishëm për shtetin e Kosovës përfundimin e negociatave me BE-në për MSA-në. “Kjo marrëveshje paraqet kornizë ligjore që ofron stabilitet dhe siguri për investitorët dhe si e tillë krijon bazë të shëndoshë për investime të huaja direkte dhe gjenerimin e vendeve të punës”. Në shtypin e sotëm kosovar ajo ka theksuar se “kjo marrëveshje paraqet bazamentin e procesit integrues të Republikës se Kosovës”.“MSA-ja do ta konsolidojë edhe më tutje faktorizimin ndërkombëtar të pozitës së Republikës së Kosovës dhe do të jetë sinjal i fuqishëm për progresin e vazhdueshëm drejt përmbushjes së standardeve evropiane në Kosovë”, ka deklaruar Çitaku.

HermesNews - ©2014

Dërgo me email | Stampo artikullin