30/04/2014 16:45:58

Muza e parë

Rrëfimit autobiografik i Jorgjie Trujës

TIRANË - Jeta e Jorgjie Trujës, pionieres së muzikës operistike shqiptare, vjen tek lexuesit përmes rrëfimit autobiografik “Muza e parë”, i promovuar sot në ambjentet e kryesisë së Kuvendit. Në këtë aktivitet, ku morën pjesë akademikë, muzikologë, figura të njohura të muzikës dhe të letërsisë, përshëndeti kryetari i Kuvendit, Ilir Meta. Duke vlerësuar artisten Truja, një figurë të madhe të artit tonë, ai tha se jeta e saj vjen sot përmes një libri të kuruar me kujdes dhe dashuri nga familjarë të saj dhe ekspertë të muzikës.“Nga Korça e lindjes, në Tiranën e artit të saj, në Romën e studimeve e sërish në Tiranë dhe në shumë kryeqytete të Europës si stacione të ndërmjetëm. Jorgjia meritoi epitetin e një tjetër kolosi të lirikës shqiptare, Lasgush Poradeci. Për poetin ajo ishte “këngëtarja gryk argjendë”.Akademiku Vasil Tole që u përkujdes për botimin e këtij libri tha se atë ç’ka e bën të rëndësishme për të gjithë, është që përmes jetës së Jorgjie Trujës ne mund të kuptojmë historinë e Shqipërisë së këtyre 80 viteve të fundit, pasi Jorgjie Truja, Tefta Tashko, Marie Kraja, janë zbatues në terren të ëndrrës së rilindasve shqiptarë.

HermesNews - ©2014

Dërgo me email | Stampo artikullin