26/04/2014 14:40:45

Hetime për të shtënat ndaj EULEX

Persona të dyshuar të panjohur kanë shtënë me armë zjarri ndaj dy veturave zyrtare

PRISHTINË - Policia e Kosovës bën të ditur se është duke kryer hetime intensive lidhur me sulmin ndaj EULEX-it, që ka ndodhur mbrëmë në veri të vendit. "Persona të dyshuar të panjohur kanë shtënë me armë zjarri ndaj dy veturave zyrtare të EULEX-it. Gjatë ekzaminimit të vendit të ngjarjes është vërejtur se veturat janë goditur me 5 plumba. Nuk raportohet për të lënduar, përderisa njësitet policore janë duke kryer hetime intensive lidhur me rastin", thuhet në Raportin 24 orësh të Policisë së Kosovës. Sipas këtij raporti policor, sulmi ka ndodhur në fshatin Banjë të komunës së Zubin Potokut.

HermesNews - ©2013

Dërgo me email | Stampo artikullin