25/04/2014 17:10:32

Jahjaga dënon grafitin në manastir

Dëmtimi i monumenteve fetare paraqet një akt të papranueshëm dhe në kundërshtim të plotë me traditat e vlerat e qytetarëve të Kosovës

PRISHTINE - Presidentja e Republikës së Kosovës, Atifete Jahjaga, dënoi fuqishëm shkruarjen e grafitit në Manastirin e Deçanit, një monument fetar dhe simbol i trashëgimisë kulturore të Kosovës, ndaj të cilës qytetarët dhe institucionet e Kosovës kanë treguar përkujdesje të veçantë. “Dëmtimi i monumenteve fetare paraqet një akt të papranueshëm dhe në kundërshtim të plotë me traditat e vlerat e qytetarëve të Kosovës, të mbështetura në tolerancë dhe respekt të plotë për komunitetet fetare dhe monumentet e tyre dhe të ngërthyera edhe në Kushtetutën e shtetit tonë”, shprehet ajo. Presidentja Jahjaga i bëri thirrje mekanizmave të sigurisë që të zbulojnë kryesit e këtij akti të shëmtuar dhe t’i nxjerrin ata përpara drejtësisë.

HermesNews - ©2014

Dërgo me email | Stampo artikullin