23/04/2014 15:57:06

Themelohet Gjykata Speciale

Kryetari i Kuvendit, Jakup Krasniqi, tha se projektligji u miratua me 89 vota pro, 22 kundër dhe 2 abstenime

PRISHTINË - Kuvendi i Kosovës miratoi sot projektligjin për ratifikimin e marrëveshjes ndërkombëtare me Bashkimin Europian për ‘sundim të ligjit në Kosovë’. Kryetari i Kuvendit, Jakup Krasniqi, konstatoi pak më parë se projektligji u miratua me 89 vota pro, 22 kundër dhe 2 abstenime. Në vazhdim të punimeve të Kuvendit po shqyrtohet projektligji për ndryshimin dhe plotësimin e ligjeve që lidhen me mandatin e misionit të Bashkimit Europian për sundimin e ligjit në Republikën e Kosovës. Të dyja projektligjet përmbajnë dispozita për themelimin e Gjykatës Speciale që do të trajtojë aktakuzat e mundshme që dalin nga një hetim i bazuar në raportin e senatorit Dick Marty, ku pretendohet për krime të kryera nga individë brenda radhëve të UÇK-së.

HermesNews - ©2014

Dërgo me email | Stampo artikullin