16/04/2014 19:14:13

15 vjet USAID në Kosovë

Jahjaga, ''me anë të programeve të shumta, USAID u është përgjigjur në çdo hap nevojave të shoqërisë sonë, duke na qëndruar pranë në çdo fazë të shtetndërtimi''

PRISHTINË - Në qytetin e Gjakovës u festua sot 15 vjetori i Misionit të USAID-it në Kosovë. Në ceremoni ishin të pranishëm Presidentja e Kosovës, Atifete Jahjaga e personalitete të tjera shqiptare dhe të huaja. Presidentja Jahjaga, tha në fjalën e saj "15 vite më parë përfundoi një ndër luftërat më të përgjakshme që kishte parë Evropa e shekullit të 20-të, duke lënë pas shkatërrim, vuajtje e humbje, kur vargu i gjatë i qindra mijëra refugjatëve po ktheheshin në shtëpitë e tyre të rrënuara, me shpresën dhe përkushtimin për të hapur kapitullin e paqes". Presidentja e Kosovës theksoi se, "me anë të programeve të shumta, USAID u është përgjigjur në çdo hap nevojave të shoqërisë sonë, duke na qëndruar pranë në çdo fazë të shtetndërtimi". Ajo vlerësoi se bashkëpunimi i ngushtë me Misionin e USAID-it vazhdon të mbetet i rëndësishëm për fuqizimin ekonomik të vendit, për hapjen e vendeve të reja të punës, për forcimin e sektorit privat, për forcimin e shtetit të së drejtës dhe sundimin e rendit dhe ligjit.

HermesNews - ©2014

Dërgo me email | Stampo artikullin