16/04/2014 16:22:08

Extreme makeover II - culture clash

Shfaqja, ka si subjekt problematikat që lindin gjatë marrëdhënieve në një çift me kombësi e kultura të ndryshme

DURRES - Kompania "Albanian Dance Theatre" këto ditë ka marrë pjesë në veprimtaritë ndërkombëtare quelli che la danza dhe përmbledhja ndërkombëtare e dancit, që organizohen nga shoqata border line në Salerno (Itali).

Tre artistë nga Shqipëria, Kosova dhe Gjermania kanë paraqitur shfaqjen e tyre "Extreme makeover II Culture clash" në skenat e teatrove në qytetet Mercato di San Severino dhe Nocera Inferiore.

Specialistët dhe artdashësit e pranishëm vlerësuan temën e përballjes së kulturave të ndryshme, që përbën edhe thelbin e shfaqjes teatrale të kërcimit si dhe bashkëpunimin mes koreografëve dhe balerinëve Gjergj Prevazi, pedagog në UA, Katharina Maschenka Horne (Gjermani) dhe Labinot Rexhepi (Kosovë).

Premiera e spektaklit “Extreme makeover II – Culture clash” u shfaq në mbrëmjen e fundit të edicionit të tetë të Festivalit ndërkombëtar të Dancit modern dhe kontemporan që zhvilohet në Durrës.

HermesNews - ©2014

Dërgo me email | Stampo artikullin