14/04/2014 15:24:13

Integrim përmes kulturës

Romeo dhe Zhuljeta, vihet në skenë nga trupa e baletit serbo kososovar

BEOGRAD - Artistët serbe dhe kosovarë po punojnë për vënien në skenë të veprës së William Shekspeare "Romeo dhe Xhulieta". Vënia në skenë po bëhet nga aktori serb Miki Manojlovic. Projekti do të financohet nga Zyra për Integrim me qendër në Beograd dhe nga Qendra Multimedia me qendër në Prishtinë. "Seleksionimet janë mbajtur tashmë në Prishtinë dhe rreth 71 artistë nga ky qytet, nga veriu dhe jugu i Mitrovicës dhe nga Shkupi aplikuan, që do të thotë se kjo ide është mirëpritur", tha Manojlovic."Mendoj se është e rëndësishme dhe e dobishme që të zgjerojmë rrethin e integrimit në qytetet tona, kombet dhe fqinjët", vazhdoi ai. Kjo pjesë do të luhet në serbisht, shqip dhe anglisht dhe premiera do të mbahet në Beograd dhe Prishtinë nga fundi i vitit dhe më pas do të luhet në skenat e vendeve të tjera të Ballkanit.

HermesNews - ©2014

Dërgo me email | Stampo artikullin