08/04/2014 18:24:32

Gati Gjykata për krimet e luftës

Kosova dhe Bashkimi Evropian janë duke zhvilluar negociata për themelimin e Gjykatës për krimet e luftës

PRISHTINË - Ambasadori gjerman në Kosovë, Peter Blomeyer deklaron se “Kosova dhe Bashkimi Evropian janë duke zhvilluar negociata për themelimin e Gjykatës për krimet e luftës. Sipas tij, gatishmëria e Kosovës për të themeluar Gjykatën, do të ishte një tregues i krenarisë se vendi nuk u frikësohet hetimeve për pretendimet në lidhje me krimet e luftës. “BE-ja dhe Kosova janë duke negociuar detajet për krijimin e kësaj gjykate dhe mendoj që janë shumë afër gjetjes së zgjidhjes. Është diskutuar nëse kjo gjykatë do ta njolloste ose jo reputacionin e Kosovës dhe të UÇK-së. Mendoj që pikërisht kundërshtimi i themelimit të gjykatës do ta damkoste reputacionin e UÇK-së dhe Kosovës, sepse njerëzit do të fillonin të thoshin : ‘Ata po fshehin diçka;. ‘Pse nuk duan ta kenë këtë gjykatë?’. Mendoj që një Kosovë që ka vetëbesim do të pajtohej me themelimin e gjykatës, pasi gjithashtu do të kontribuonte në justifikimin e Kosovës”, shprehet Blomeyer në një intervistë speciale për RTK-në. “Unë vetëm mund të them çka është e nevojshme që ta themelojmë këtë gjykatë gjithashtu për të treguar gatishmërinë e Kosovës që të përgjigjet me krenari dhe vetëbesim në këto pretendime”, citohet ai.

HermesNews - ©2014

Dërgo me email | Stampo artikullin