02/04/2014 04:45:19

€120 mijë për letrën e titanikut

Letra u shkrua mbrëmjen e së dielës më 14 prill 1912, pak para përplasjes së titanikut me një ajsberg

LONDËR - Një letër e shkruar në bordin e Titanikut natën e mbytjes, e vetmja e bërë publike nga ajo ditë, do të dalë në ankand në fund të prillit në Britaninë e Madhe, njoftoi sot zyra e ankandit.

E shkruar nga Esther Hart, e mbijetuar e ”Titanikut”, letra nuk u dërgua kurrë. Zonja me origjinë britanike do t’ia dërgonte letrën nënës së saj pas kthimit të anijes në Southampton, në jug të Britanisë së Madhe në prill 1912.

Letra u shkrua mbrëmjen e së dielës më 14 prill 1912, pak para përplasjes së ”Titanikut” me një ajsberg. Bashkëshorti i Esther Hartit, Benjamin figuron në listën e 1 500 personave të zhdukur.

Esther Hart dhe vajza e saj Eva mundën të shpëtonin. Eva Hart në atë kohë 7 vjeçe e ka shoqëruar të ëmën deri ditën e vdekjes në 1996, një prej të mbijetuarve e anijes më të famshme.

E blerë para tetë vitesh nga një koleksionist, letra dhe zarfi ndodhen aktualisht në pronësi të shoqërisë “Henry Aldridge & Son auctioneers”. Letra do të dalë në ankand më 26 prill në Devizes, në jugperëndim të Britanisë së Madhe, dhe pritet të kapi shifrën e 120 mijë euro.

HermesNews - ©2014

Dërgo me email | Stampo artikullin