27/03/2014 08:53:19

Kombëtarja U-17 humb me Italinë

Ka startuar me humbjen 2 me 1, pjesëmarrja e ekipit Kombetar U17 në eliminatoret e Kampionatit Europian, kategoria 'elite round'

HermesNews - Ka startuar me humbjen 2 me 1, pjesëmarrja e ekipit Kombëtar U17 në eliminatoret e Kampionatit Europian, kategoria “elite round”. Megjithëse kane shënuar të parët me anë të Bares në minuten e 15' djemtë kuqezinjë të drejtuar nga trajneri Xhemal Mustadanagic nuk kanë mundur të tuajnë epërsinë. Goli i barazimit për Italinë u shënua nga Felicioli në minuten e 28'. Pas barazpeshes Italianet kanë kërkuar ta fitojnë ndeshjen ndërkohë që janë përballur me një lojë mjaftë të mirë të tanëve. Në minuten e 61' vetëm nëpërmjet 11 metërshit ekipi Italian me anë të De Santis ka siguruar 3 pikët e fitores. Deri në fund rezultati 2 me 1 për Italinë ka mbetur i pandryshuar. Në ndeshjen e ardhshme që do të zhvillohet në daten 28 mars ekipi yne do të luajë kundër Anglisë. Ndërkohë në oren 17:00 është zhvilluar takimi tjetër i këtij grupi ku Anglia ka fituar me rezultatin minimal kundër Republikes Çeke.

Arbër Meçenovi

Dërgo me email | Stampo artikullin