24/03/2014 12:19:40

Dita që shënoi kthesën e madhe në histori

15 vjet nga bombardimet e NATO-s. Kryeministri i Kosovës shpreh mirënjohje. Lulzim Basha sot në Prishtinë, ''Qytetar Nderi'' i komunës Deçan

PRISHTINE - Kosova kujton 15 vjetorin e ndërhyrjes ushtarake të NATO-s në Kosovë. "Nuk do ta harrojmë rëndësinë e ndihmës jetike që e pranuam si popull. Dëshiroj të shpreh falënderimet e thella për SHBA, NATO dhe të gjithë Aleatët tjerë nga mbarë bota", shkruan Kryeministri Hashim Thaqi në Facebook. Media kosovare duke përkujtuar ndërhyrjen shpëtimtare të NATO-s tha se fillimi i fushatës së bombardimeve që zgjatën 78 ditë vlerësohet si një datë e rëndësisë vendimtare për historinë e Kosovës, si një ditë e kthesës së madhe për të ardhmen e saj. Për të nderur të rënët sot ndodhet në Prishtinë dhe kreu i opozitës Lulzim Basha. Ai do të nderohet dhe me titullin "Qytetar Nderi" i komunës Deçan.

HermesNews - ©2014

Dërgo me email | Stampo artikullin