19/03/2014 17:23:48

Prioritete për një turizëm fqinj

Qeveria, me qëllim të arritjes së pikësynimeve të parapara të zhvillimit të qendrueshëm, ka hartuar dhe përgatitur strategjinë e zhvillimit të turizmit në Mal të Zi deri në vitin 2020

PODGORICE - Vendet bregdetare, kudo që ndodhen, posedojnë parakushtet madhore për zhvillimin e ekonomisë turistike, pasi që vetë natyra u ka dhuruar potencialet më të rëndësishme për zhvillimin e kësaj veprimtarie aq të rëndësishme, në zhvillimin e gjithëmbarshëm të shoqërisë. Aq më parë, pasi që turizmi përbën njërën nga shtyllat kryesore të ekonomisë për vendet e tilla.

Me zhvillimin e turizmit, mund të sigurohet punësimi dhe të ardhura të konsiderueshme për banorët duke rritur standardin e popullësisë. Mali i Zi, e ka radhitur turizmin në prioritetet zhvillimore, të bindur se në këtë mënyrë, mes tjerash, do të mundësojë barazpeshën e zhvillimit rajonal, hapjen e vendeve të reja të punës, ndalimin e migrimeve nga fshati drejt qytetit, e kështu me radhë.

















Në vitin 2012, të ardhurat nga turizmi arritën shumën 700 milionë euro, e që ishte 43%, më shumë se një vit më parë, ose dyfish më shumë se në vitin 2006. Kjo është arritur falë promovimit më intensiv të ofertës turistike në panairet dhe tregjet e njohura, në veçanti në botën perendimore por edhe në vendet e rajonit.

Qeveria, me qëllim të arritjes së pikësynimeve të parapara të zhvillimit të qendrueshëm, ka hartuar dhe përgatitur strategjinë e zhvillimit të turizmit në Mal të Zi deri në vitin 2020. Në këtë drejtim, duhet theksuar vlerat joshëse të potencialeve turistike të Malit të Zi, të cilat ndërkohë janë bërë mjaft tërheqëse në tregun e gjerë turistik.

Turizmi i kontribuon të mires për individët, por edhe për vendin në përgjithësi, andaj zhvillimi i turizmit, është tepër i rëndësishëm në vendosjen e bazës stabile për grumbullimin e të ardhurave. Njëri ndër aspektet më kritike në valorizimin aktual të potencialeve turistike, është koncentrimi realtivisht në një periudh të shkurtër të vitit, që do të thot vetëm gjatë sezonit veror , ashtu që në këtë periudhë realizohet rrethë 70% nga numri i përgjithshëm i vizitorëve.

Zhvillimi i ekonomisë turistike është po aq i rëndësishëm edhe për shkak të avancimit të prodhimtarisë bujqësore, pasi që Mali i Zi, njërin prej orientimeve strategjike zhvillimore e ka përcaktuar edhe veprimtarinë bujqësore. Në njërën anë, prodhimet tradicionale bujqësore e rrisin vlerën e përgjithëshme të ofertës turistike, kurse në anën tjetër pozitivisht ndikojnë në zvogëlimin e importuar nga jashtë të prodhimeve bujqësore. Sidoqoftë, nëse dëshirojmë që vendet e rajonit të jenë konkurrente në tregun botëror të turizmit, duhet vepruar në drejtim të krijimit të kushteve optimale që plazhet dhe bjeshkët tona të figurojnë ndër destinacionet më të preferuara turistike. //HermesNews ©2014//

Dijana Gj.Dukaj

Dërgo me email | Stampo artikullin