19/03/2014 15:47:11

Koha sipas Yllka Gjollesha-s

Prezantohet ekspozita në Universitetin e Arteve

TIRANE - Yllka Gjollesha(Gjikopulli) do të prezantojë sot në mbrëmje, në orën 19:00 në Galerinë FAB (në Universitetin E Arteve), nën drejtimin e kuratorit Ardian Isufi ekspozitën e saj të quajtur “Time”. Do të jetë një ekspozitë e tipit Solo Show, dhe do të qëndrojë e hapur nga data e sotme, e deri më 24 mars për të gjithë Artdashësit. “Talent I spikatur, dhe prurëse e ideve origjinale” ka qënë përkufizimi i kuratorit(Skulptorit) të njohur Genc Mulliqi, lidhur me një nga prezantimet e punëve të Yllka Gjolleshës në ekspozitën “Refleksione” në vitin 2012 në “Nacional Sport Park” në Tiranë, ku Yllka u prezantua aty e shkëlqeu me një nga punimet e saj, e më saktë me një video-instalacion, i cila sipas Mulliqit të çonte një soditje, por me një ngarkesë emocionale, të reve para furtunës. Edhe pse nuk I pëlqen shumë të dalë në ekran, apo të shprehet për mendian, Yllkës nuk i kanë munguar asnjëherë vlerësimet ne karrierën e saj, e cila rikthehet me këtë ekspozitë pas një periudhe të vogël shkëputje. Artistja e re ka lindur në qytetin e Dibrës më 13 Mars të vitit 1985. Në vitin 2006 kreu studimet e larta në Akademinë e Arteve Tiranë, dega Grafikë. Ka marrë pjesë në disa ekspozita ku ka marrë vlerësime të rëndësishme.

HermesNews - ©2014

Dërgo me email | Stampo artikullin