14/03/2014 10:30:10

Kuqezinjtë +1 vend në FIFA

Shqipëria vazhdon ngjitjen në renditjen e FIFA-s

HermesNews - Shqipëria vazhdon ngjitjen në renditjen e FIFA-s. Edhe pse me hapa të vegjël sërish kuqezinjtë ngjisin shkallët. Kombëtarja e Shqipërisë ka fituar një vend në renditjen mujore të FIFAs. Për marsin 2014, kuqezinjtë e drejtuar nga Xhani de Biazi pozicionohen të 54-tit në renditjen në fjalë, duke u ngjitur nje shkallë pas fitores në miqësoren e 5 marsit me Maltën, në “Niko Dovana”. Nëse u referohemi kundërshtarëve tanë në “Grupin I” eliminator për “Euro 2016”, Shqipëria është e fundit në këtë renditje. E para qëndron Portugalia, në vendin e katërt të renditjes mujore të FIFA-s, me 1199 pikë, pastaj vjen Danimarka, e 22-ta me 858 pikë, Serbia e 28-ta me 762 pikë, Armenia e 41-ta me 699 pikë, ndërsa Shqipëria e 54-ta me 569 pikë. Pra, nëse bëjmë një klasifikim në bazë të pikëve të renditjes së FIFA-s për muajin mars, Portugalia është e para, Danimarka e dyta, Serbia e treta, Armenia e katërta dhe kuqezinjtë tanë të pestët

Arbër Meçenovi

Dërgo me email | Stampo artikullin